कौल मनाचा या सिनेमाचा भव्य प्रिमीअर शो नुकताच मुंबईत संपन्न झाला. सिनेमातील स्टारकास्टसह विविध क्षेत्रातील अनेक मान्यवर मंडळी यावेळी उपस्थित होती. वेगळ्या विषयाच्या चित्रपट निर्मितीबद्दल मान्यवरांनी निर्माता-दिग्दर्शकांचे मनापासून कौतुक केले. या प्रिमीअरप्रसंगी आपल्या पाल्यासोबत उपस्थित असलेल्या पालकांनी हा चित्रपट वास्तवदर्शी असल्याची प्रतिक्रिया यावेळी व्यक्त केली.
‘रेड बेरी एन्टरटेंन्मेंट’ प्रस्तुत ‘श्री सदिच्छा फिल्म्स’ निर्मित ‘कौल मनाचा’ या चित्रपटात बालमनाचा वेध घेण्यात आला आहे. या चित्रपटाचं दिग्दर्शन भिमराव मुडे यांच आहे. अनेक गोष्टीवर भुलण्याच्या या वयातमुलांची मानसिक घालमेल लक्षात घेऊन त्यांना योग्य-अयोग्याची जाणीव करून देणं महत्त्वाचं असतं, हे सांगण्याचा प्रयत्न कौल मनाचा याचित्रपटातून करण्यात आला आहे.
या सिनेमात राजेश शृंगारपुरे, समीर धर्माधिकारी, अमृता पत्की, मिलिंद गुणाजी, विजय चव्हाण, जयवंत वाडकर, विजय गोखले,वर्षा दांदळे,कमलेश सावंत, श्वेता पेंडसे, आशुतोष गायकवाड, गिरीजा प्रभू, निनाद तांबडे, गणेश सोनावणे आदि कलाकारांच्या भूमिका आहेत.